Նա շատ իմաստություններ կուլ տվեց,բայց այդ բոլորը կարծես մի այլ կոկորդ էին մտել:

Ամեն միտք,եթե արու է կգտնի իր էգը:Բայց երևի գաղափարները նրա գլխում կամ միայն արու էին,կամ միայն էգ,որովհետև նա երբեք նոր միտք չծնեց:

Ոչ մի բան այնպես չի նպաստում հոգեկան անդորրին,ինչպես սեփական կարծիքի լրիվ բացակայությունը:

Ես համոզված եմ,որ ուրիշների մեջ տեսնելով քեզ,ինքդ քեզ ոչ միայն սիրում ես,այլև ատում:

Կյանքում ավելի հաճախ խրատ ես գտնում,քան մխիթարություն:

Նրանք զգում են խելքով,իսկ մտածում են սրտով:

Որոշ մարդիկ ընդունակություն ունեն հիմար երևալու,նախքան խելք կդրսևորեն:Այդ շնորհքը աղջիկների մեջ հատկապես հաճախ է երևան գալիս:

Մարդն ընկերություն է սիրում,թեկուզ դա լինի միայնակ վառվող մոմի հետ:

Եթե մարդիկ ասում են,թե իրենք նվերներ չեն ցանկանում,դա սովորաբար այն բանի նշան է ,որ նրանք ցանկանում են որևէ նվեր ստանալ:

Այն բարձունքը,որին փորձառության շնորհիվ կարող է հասնել ոչ այքան խելոք մարդը`լավագույն մարդկանց թերությունները գտնելն է:

Ինչքան քիչ բարեկամներ բարեկամ կմնային,եթե կարողանային լրիվ իմանալ միմյանց մտքերը:

Սրտում չեղածը լեզվի վրա է:Ես հաճախ դա ավելի ճիշտ եմ գտնում,քան դրա հակառակ կարծիքը:

Այն մարդիկ,ովքեր միշտ ժամանակ չեն ունենում,սովորաբար ոչինչ չեն անում:

Ստրկական արարքը միշտ չէ,որ ստրուկի արարք է:

Երբ նա խոսում էր`ամբողջ շրջակայքում իրենք իրենց շրխկոցով փակվում էին բոլոր մկան թակարդները:

Եթե խելոք մարդուն կարելի է այնպես խփել,որ խելքը կորցնի,ապա չեմ հասկանում,ինչու անխելքին չի կարելի այնպես խփել,որ խելքի գա: