ԽՍՀՄ-ում պտղատու, հատապտղատու և այլ կուլտուրաների գիտական սելեկցիայի հիմնադիր Իվան Միչուրինը ծնվել է 1855-ին:
Պտղատու բույսերի նոր սորտերի ստացման աշխատանքները սկսել է 1875-ին. Տամբովի մարզի Կոզլով քաղաքում: 1899-ին քաղաքի մերձակայքում ձեռք է բերել նոր հողամաս, որտեղ աշխատել ու ապրել է մինչև կյանքի վերջը: Միչուրինի հետազոտությունները գնահատվել և ծավալվել են միայն Հոկտեմբերյան հեղափոխությունից հետո:
Միչուրինը մեծ ավանդ ունի գենետիկայի զարգացման գործում: Նա ուսումնասիրել է ժառանգականությունը՝ կապված օնտոգենեզի օրինաչափությունների և արտաքին միջավայրի հետ, ստեղծել ուսմունք դոմինանտության մասին: Ապացուցել է, որ դոմինանտությունը պատմական կատեգորիա է և կախված է ելակետային ձևերի ժառանգականությունից, օնտոգենեզից և ֆիլոգենեզից, հիբրիդների անհատական առանձնահատկություններից, ինչպես նաև դաստիարակման պայմաններից: Հիմնավորել է արտաքին պայմանների ազդեցությամբ գենոտիպի փոփոխման հնարավորությունը:
Նա գյուղատնտեսական կուլտուրաների գիտական սելեկցիայի հիմնադիրներից է:
Մահացել է 1935-ի հունիսի 7-ին: