Եթե ուզում ես ունենալ այն, ինչ երբեք չես ունեցել , սկսիր անել այն, ինչ երբեք չես արել: *** Ամբոխը միշտ մեղադրում է այն մարդկանց,ովքեր կյանքում ինչ-որ բանի են հասել: Հարևանը միշտ չարախոսում է իր կողքի բնակարանում ապրող բնակչի մասին, որն ունի շքեղ մեքենա և լավ կահավորված տուն : Իրականում շատ եմ կրկնել ու էլի կասեմ . ցանկացած մարդ արժանի է այն ամենին, ինչ ունի : Մինչ չարախոսելն ու վատաբանելը նախ պետք է սեփական անձի մասին մտածել : Միգուցե ձեր հարևանը իր շքեղ մեքենային հասել է ոչ ազնիվ ճանապարհով, բայց փաստը մնում է փաստ ՝ նա շքեղ մեքենա ունի : Իսկ դուք ապրում եք ձեր խղճուկ կյանքով ու ուրիշ ոչինչ չեք անում, բացի չարախոսելուց :
Շատ դեպքերում մենք ինքներս թունավորված մեր նախանձի թույնից դիմացինին դարձնում ենք անազնիվ ու փորձում ՛՛արդադարցնել՛՛ նրա հաջողությունները : Բայց հավատացեք, որ իրականում շատ մարդիկ այդ ամենին հասել են սեփական խելքով, աշխատասիրությամբ , ճիշտ պահին ճիշտ տեղում լինելու ունակությամբ : Գրառումս , սակայն , սրա մասին չէ : Սա համարեք որպես նախաբան : Անցնենք գրառման բուն մասին : Բոլորս էլ շքեղ կյանք ենք ուզում. իսկ ինչու՞ չուզենալ : Ոչ մեկ չէր հրաժարվի բարձր վարձատրվող աշխատավարձից, լավ ու հարմարավետ բնակարանից ու լավ մեքենայից : Ինչու՞ ձեր հարևանը ունի շքեղ մեքենա, իսկ դուք ՝ ոչ : Ի՞նչ է պետք անել, որպեսզի հասնել հաջողության : Այ սրա մասին եմ ուզում այսօր խոսել : Պատասխանը շատ պարզ է : Ընդամենը մի կարճ նախադսություն . թռիր քեզնից բարձր : Վերջ, այսքանն է : Սա վերաբերում է կյանքում կատարվող ամեն ինչին : Դուք ուզում եք ունենալ հիանալի մարմնի կառուցվածք : Դուք այն չեք ունենա , քանի դեռ ոչինչ չեք արել : Եթե դուք սկսեք անընդհատ աշխատել ձեզ վրա , ստիպել ձեզ հրաժարվել ինչ-ինչ սիրելի , բայց վնասակար սովորություններից ՝ դու կհասնեք ձեր ուզածին : Բայց նախ և առաջ պետք է ինքներդ ձեզ դեմ գնաք : Մինչև ինքներդ ձեզ դեմ չգնաք ՝ ոչինչ չեք ունենալու : Ուզում եք հետագայում լավ աշխատա՞նք ունենալ . լավ են վարձատրվում իրոք լավ մասնագետները : Իսկ դրա համար պետք է ունենալ լավ կրթություն . սկսեք լավ սովորել այսօրվանից : Երբեք ժամերով չե՞ք պարապել , չե՞ք աշխատել ձեր թույլ կողմերի վրա , ուրեմն դուք պիտի դա անեք : Դուք պետք է ստիպեք ձեզ սովորել էլ ավելի լավ : Երբեք առավոտյան շուտ չե՞ք արթնանում : Ուրեմն ստիպեք ձեզ արթնանալ: Անընդհատ ուշանու՞մ եք : Այլևս մի ուշացեք: Առավոտյան չե՞ք նախաճաշում : Սկսեք նախաճաշել: Ու այսպիսի հազարավոր օրինակներ : Թվում է թե ասածներս հիմարություն են , կապ չունեն սկզբնական ընտրած թեմայի հետ : Բայց իրականում ինքդ քեզ դեմ գնալը հենց քեզնից բարձր թռչելն է : Երբ դու սկսում ես անել այն ամենը, ինչ երբեք չես արել ՝ թռչում ես քեզնից բարձր: Մի վախեցեք ձեր առջև բարձր նպտակներ դնելուց : Հակառակը, անընդհատ ձգտեք բարձրին ու ամեն ինչ արեք , որ հասնեք դրան : Ամենակարևորը սեփական անձի մեջ աշխատասիրություն ձևավորելն է , իսկ սա, իրականում, բարդ աշխատանք է : Ինչպես վերջերս ընկերներիցս մեկը նշեց ՝ աշխատասիրությունը նույնպես ձիրք է , որը պետք է ճիշտ օգտագործել : Եթե այն չկա ՝ կարելի է նրան ուղղակի ստեղծել: Երբ դուք դեմ գնաք սեփական վատ սովորություններին, բնավորության վատ գծերին, ձեր առջև դնեք շատ դժվար ու ձեզ համար շատ բարձր նպատակներ , ստիպեք ձեզ աշխատասեր դառնալ ու անընդհատ գնաք դեպի ձեր նպատակը ՝ կհասնեք նրան : ...ՈՒ կունենաք հարևանի պես ոչ թե մեկ մեքենա , այլ ՝ երկու : Ձեր բնակարանը կահավորված կլինի շատ ավելի լավ ու դուք ամեն առավոտ ոչ թե կմռթմռթաք ձեր հարևանի ետևից, այլ ուղղակի կժպտաք. չէ՞ որ անհաջողակից դուք դարձաք հաջողակ ու երջանիկ մարդ : Դուք կարողացաք ու արեցիք դա , դուք դարձաք այն , ինչի մասին ժամանակին վախենում էիք նույնիսկ մտածել: Ահա և այսքանը : Արեք այն ամենը, ինչ երբևէ չեք արել բոլոր հարցերում : Ու ձեզ մոտ ամեն ինչ կստացվի: Հաջողություն եմ մաղթում :
