Ի սեր Աստծո, իմ հայ ժողովուրդ,թարգեք ձեր "ես շատ խորը մարդ եմ"-ներն ու "ինձ դժվար է բացահայտել"-ները: Ինչքա՞ն կարելի է :
Ինձ (Իբրև թե ) շրջապատում են անհասկանալի,բարդ բնավորություններով ու
"ներքինից հարցական" մարդիկ... Արդեն սրտխառնոց է առաջանում այդ "ես բարդ
մարդ եմ" բառակապակցությունից: Մի՞թե չեք հոգնում...
Ե՞րբ եք հասկանալու,որ իրոք բարդ մարդը չի բարձրաձայում իր բարդ լինելու
մասին: Եթե պետք լինի` դա կնկատի դիմացինն ու ինքը կբարձրաձայնի դա : Ոչ
մի ԻՐՈՔ բարդ ու անհասկանալի անձնավորություն դրա մասին ՉԻ խոսում:
Այդ դեպքում ո՞վքեր են իրենց "բարդ մարդ" հռչակողները: Կա միայն մի
պատասխան` ձևականության ստրուկներ ու էլ ոչինչ: Այո,հենց ստրուկ,սեփական
"ես"-ը ուրիշների "ես"-երից տարբերելու հիվանդությամբ տառապող
ստրուկներ,որոնք գիշեր-ցերեկ ապրում են "ուրիշ" լինելու մոլուցքով:
Ինչքա՞ն կարելի է: Թարգ տվեք այդ բառերին: Ի՞նչ եք կարծում, "Ես ահավո~ր
բարդ մարդ եմ,ինձ երբեք ոչ ոք չի բացահայտել,ես ուրիշ եմ" նախադասությունը
կրկնելով դուք կհամոզեք մարդկանց,որ դուք ուրի՞շ եք: Իրականում դուք
հեգնական ժպիտ եք առաջացնում այն մարդկանց դեմքներին,որոնք գոնե մի քիչ
մարդկային տեսակներից գլուխ են հանում: Ես ինքս չեմ կարող լուրջ
վերաբերվել այն մարդուն,ով իրեն հռչակում է "բարդ մարդ" :Դրանով նա լոկ
ցույց է տալիս իր ոչ թե պարզ,այլ` պարզունակ լինելը:
Ես գիտեմ բարդ մարդկանց,այնպիսիներին,որոնք ոչ թե իրենք են բարձրաձայնում
բարդ լինելու մասին,այլ դու ինքդ ես հասկանում,որ նրանց` առաջին հայացքից
թվացող պարզությունը կլանում է քեզ ու անհատակ է: Նրանք իրոք "խորն" են ու
"ուրիշ" են:Իսկ դա պետք է ԶԳԱԼ ոչ թե բոլորին հայտարարել:
Ծիծաղելի է,գիտե՞ք: Ամեն երկրորդը իրեն "բարդ մարդ" է հռչակում ու
հպարտանում է դրանով: Էդտեղ հպարտանալու ոչինչ չկա: Դա ուղղակի մարդկային
տեսակ է,ամեն մարդ "խորը" չի ծնվում ու ինչքան էլ բարձր աղաղակեք ձեր
"ուրիշ" լինելու մասին,դա ձեզ չի փրկի:
Կներեք,եթե իմ ` ստրուկի հետ համեմատությունը ձեզ վիրավորի,բայց դա էդպես է: Միգուցե կոպիտ,բայց` ճիշտ համեմատություն է:
Խնդրում եմ,թարգ տվեք ձեր կեղծ "խորությանն" ու գնահատեք պարզությունը:
Հերիք խաղաք այդ զզվելի խաղը,դուք չեք պատկերացնի,թե հասկացող մարդու
համար ինչ պարզունակ ու անհետաքրքիր եք դառնում ձեր ամպագոռգոռ բառերով...
Հասկացեք բառերիս իմաստն ու ամենակարևորը` տողատակերը: Ու մինչ կվիրավորվեք
ինձնից ձեզ` ստրուկի հետ համեմատելու համար,նախ մտածեք, հետո նոր քար
նետեք իմ ետևից:
Հարգանքներով` ձևական "բարդ ու խորը" մարդկանց կոմպլեքսների ստրուկ ու
պարզունակ համարող, չափից դուրս պարզ,ծուռ նստող ու ուղիղն ասող` Սվետա Սարգսյան :)
Պարզ ու հասարակ եղեք!