Հետաքրքիր բլոգ - ԲԱԽՏԻ ՇՐՋԱՆԸ
Суббота, 10.12.2016, 23:26
Приветствую Вас Гость | RSS

Փոքրիկ քայլերով դեպի ճանաչում

Կայքի մենյուն
Վիճակագրություն

Онлайн всего: 1
Гостей: 1
Пользователей: 0

ԲԱԽՏԻ ՇՐՋԱՆԸ

Ազնիվ բարեկամ, անունդ ակ չի մնար այդպես.
Մեկ օր կպատահի հակառակ, չի մնար այդպես.
Միշտ օրը ցերեկ, խավարը փակ չի մնար այդպես.
Հանկարծ մութը կուգա, արեգակ չի մնար այդպես,
Բախտին մի հուսար, միշտ հաջողակ չի մնար այդպես,
Կդառնա մեկ օր, շատ ժամանակ չի մնար այդպես։

Շատին քեզի պես բարձրացուցել խաբել է բախտը,
Քանի քանիսին վառ կրակով լափել է բախտը,
Որչա՞փ քաջերու խելքերը միշտ չափել է բախտը,
Նախ՝ երկինք է հաներ, հետո՝ վար թափել է բախտը.
Բախտին մի հուսար, միշտ հաջողակ չի մնար այդպես,
Կդառնա մեկ օր, շատ ժամանակ չի մնար այդպես։

Ուր է Ադամը և Նոյը, ուր է Մաթուսաղան,
Ուր է Սողոմոն Մեծն իմաստուն, Դավիթ իշխան,
Ողջին մահը վախճան տվել՝ տարել է գերեզման.
Քեզ էլ պիտի մեկ օր մահը հասնի ու տա վախճան։
Բախտին մի հուսար, միշտ հաջողակ չի մնար այդպես,
Կդառնա մեկ օր, շատ ժամանակ չի մնար այդպես։

Զարթիր քնիցդ, չորս բոլորդ նկատե, ով մարդ,
Խիղճդ դադարեցուր, ցավերդ փարատե, ով մարդ.
Մինչ կենդանի ես՝ քեզ դժոխքից ազատե, ով մարդ,

Աշխարհն իմացիր, թերի է, անհաստատ է, ով մարդ,

Բախտին մի հուսար, միշտ հաջողակ չի մնար այդպես,
Կդառնա մեկ օր, շատ ժամանակ չի մնար այդպես։

Ճշմարտությունը միշտ հարաժամ հառաջ է, ետ չէ,
Նորան հետևիր, ով բարեկամ, նա չար աղետ չէ.
Հաստատ ամենևին մի թագավոր գահապետ չէ,
Բախտը ապերախտ է, որովհետև արահետ չէ.
Բախտին մի հուսար, միշտ հաջողակ չի մնար այդպես,
Կդառնա մեկ օր, շատ ժամանակ չի մնար այդպես։

Ուր տեղ է Աղեքսանդրի նման աշխարհակալը,
Ուր տեղ է Դարեհ քաջ Սասանյան աշխարհակալը.
Ուր է Արտաշես Արշակունյան աշխարհակալը.
Անբախտ է մեռել գիտցի, Ջիվան, աշխարհակալը.
Բախտին մի հուսար, միշտ հաջողակ չի մնար այդպես,
Կդառնա մեկ օր, շատ ժամանակ չի մնար այդպես։

Որոնում

Copyright MyCorp © 2016
Сделать бесплатный сайт с uCoz