Այսօր ես շատ բարկացած եմ ինքս ինձ վրա , որովհետև մի այնպիսի բան եմ արել,
որի պատճառով խնդիրներ եմ ունեցել :Ես ոչ մեկի չեմ մեղադրում ու լավ
հասկանում եմ , որ մեղավորը ես եմ :Ընդհանրապես ես համարում եմ , որ մարդը
ունի այն , ինչին արժանի է ու եթե ինչ-որ բան է կատարվում մարդու կյանքում,
նա ինքն է մեղավոր , թեկուզ դա կատարվել է ուրիշների միջոցով:Ինչևէ աջ ու
ձախ չնկնեմ ու միանգամից ասեմ ասելիքս :
Բոլորը ասում են բարություն արա , մարդկանց օգնիր ու շատ ու շատ այսպիսի բաներ : Իհարկե ես համաձայն եմ սրա հետ ու կարծում եմ , որ մարդ
պետք է շատ բարի գործեր անի ու օգնի մարդկանց , բայց իհարկե ոչ այն
դեպքում , երբ բարությունը հասնում է հիմարության :Իմ կարծիքով , երբ մարդ
իրեն վնասելու հաշվին ուրիշներին լավություն է անում , դա արդեն ոչ թե
բարություն է , այլ հիմարություն :Ես չեմ հասկանում ինչպես մարդ կարող է
համարվել բարի , եթե նա բարություն է գործում միայն ուրիշներին ու
ամենակարևորը. բարի չէ ինքն իր հանդեպ :Ու ամենացավալին այն է, որ մարդիկ
միևնույն է չեն հասկանում , որ դու բարի ես նրանց նկատմամբ , որ դու քեզ
վնասելու հաշվին օգնել ես նրանց , ավելին . դեռ մի բան էլ պարզվում է , որ
դու ես մեղավոր :Ու ամենավատն այն է , որ սա այսպես էլ , մնալու է ու ոչինչ
չի փոխվելու , խնդիրը մեր մեջ է :Եթե մենք չենք կարողանում փոխել աշխարհը ,
ապա պետք է փոխենք մեզ :Ու հենց այստեղ ' իմ ընթերցողների առաջ, ես ուզում
եմ խոստանալ , որ այլևս չեմ լինի չափից շատ բարի ու չեմ վնասի ինքս ինձ :
Ես միշտ չեմ սիրել հիմար մարդկանց ու հիմա հասկացա , որ չափից շատ բարի
լինելը նույն հիմարությունն է :Այնպես որ սիրելի ընթերցող ես ուզում եմ ,
որ դուք էլ ինձ հետ խոստանաք , որ չեք լինի չափազանց բարի , ու չեք վնասի
ձեզ :Ամեն ինչ չափի մեջ է գեղեցիկ:Իհարկե ես չեմ ասում , որ պետք է
բարություն չգործել ու չօգնել մարդկանց :Ոչ պետք է անել հնարավորը ու
անհնարը մարդկանց օգնելու համար , ուղղակի չպետք է դրանով վնասենք ինքներս
մեզ :Ուրիշների հանդեպ բարությունը պետք է ավարտվի այնտեղ, որտեղ սկսվում է
արդարությունը մեր անձի հանդեպ:Այնպես որ մենք պետք է փոխվենք , եթե չենք
ուզում մի օր այդ չափազանց բարության պատճառով մեզ այնպիսի անդառնալի վնաս
հասցնել , որ այլևս անհնար լինի ամեն ինչ ուղղել :Պետք է ամեն մեկը պատրաստ
լինի փոխել ինքն իրեն :Իսկ դու պատրա՞ստ ես փոխել ինքդ քեզ: